NB! IKKJE TILBOD VÅR 2017 iflg Anders Aschim 3.5.16. Ny revisjon vår 2018/Marit V. Engeseth

I dette emnet tek vi særleg sikte på å gi økt innsikt i skulen sitt møte med kulturendringar i samfunnet.

Emnet vil gi ei historisk innføring i korleis Vesten vart sekulær og kva det inneber i dag. Det vert lagt vekt på migrasjonspedagogiske og –politiske problemstillingar som:

• kva vil det seie å vere fleirkulturell?
• kva slag problem står innvandrargrupper overfor i møte med det liberale demokratiet i Noreg?
• ulike syn på kvinna si rolle i samfunnet
• i kva grad kan ei sekulær offentlegheit gi rom for den kulturelle arven innvandrarane har med seg?

Emnet legg vekt på spørsmålet om religion i skulen i eit internasjonalt perspektiv og gir ei innføring i spenninga mellom foreldrerett og skule i ei sekulær offentlegheit. Vi drøfter kva for skilnader vi finn i religionen sin plass i offentleg samanheng i ulike land, korleis spørsmål om religionsfridom og foreldrerett vert løyste i overnasjonal rett, og kva dette får å seie for tilhøvet mellom trusopplæring og skule i ulike land.

Emnet tek også føre seg dei pedagogiske og politiske idene som har vore med på å prege den norske skulen. I ei kritisk innføring i viktige endringar i formålsparagraf og religionsundervisning vil studiet svare på spørsmål som korleis den kulturelle pluraliseringa har endra norsk skule og i kva grad skulen framleis kan og bør spele ei kulturberande rolle.