Semesters
MUS208 Ensembleleiing
Musikk årsstudium (MUS101, MUS102, MUS103 og MUS104 eller tilsvarande)
Emnet gjev ei praktisk-teoretisk innføring i dirigering og leiing av kor og andre typar ensemble. Gjennom observasjon, utprøving og rettleiing i utøvingssituasjonar vil studenten få innsikt i dirigenten sine ulike roller. Det vert fokusert på følgjande hovudområde: innstuderingsmetodikk, kroppspråk, teknikk og uttrykk, instrumental- og vokalkunnskap, gehørtrening, repertoarkunnskap og partiturstudium.
Emnet rettar seg inn mot utøvande og pedagogisk verksemd innanfor eit variert spekter av arbeidsplassar i samfunnet, t.d. grunnskulen, kulturskulen og andre samfunnsinstitusjonar, det frie kulturlivet og privat næring.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap om:
- repertoarval og ulike typar partitur for vokale eller instrumentale ensemble
- tekniske utfordringar og oppvarmingsteknikk for ulike typar vokal- og instrumentale ensemble
- innstuderingsmetodikk
- takteringsmønster og direksjonsteknikk
Studenten er i stand til å:
- lese og tolke ulike typar partitur for vokale og instrumentale ensemble
- planlegge og leie musikkaktivitet med eit ensemble og treffe og grunngje faglege val
- reflektere over eigne ferdigheiter innan direksjon og innstuderingspraksis
Studenten kan bruke kunnskapar og ferdigheiter på ein sjølvstendig måte i ulike situasjonar gjennom å vise samarbeidsevne, ansvarskjensle, evne til refleksjon og kritisk tenking i utdannings- og yrkessamanheng
Studiet vekslar mellom teoretisk arbeid og praktisk øving. Det blir undervist både i gruppe og som individuell rettleiing. Rettleiing av studentane kan gjerast på grunnlag av videoopptak frå praksisensemble og/eller praksisbesøk av rettleiar/faglærar. Faget set store krav til eige studiearbeid, individuelt og i gruppe.
Praksis:
Studenten har sjølv ansvar for å skaffe seg plass for observasjons- og direksjonspraksis i relevant ensemble. Dette skal planleggjast i samråd med og godkjennast av faglærar.
Frammøte: Det er obligatorisk frammøte til all undervisning (Forskrift om studium og eksamen ved Høgskulen i Volda § 7 - 3).
Arbeidskrav:
- Studenten skal føre ein refleksjonslogg med utgangspunkt i videoopptak frå minst 3 ulike økter som dirigent med variert repertoar. Gjennom desse øktene skal studenten fokusere på følgjande faglege perspektiv:
- grunnleggande tekniske ferdigheiter
- ekspressive verkemidlar
- innstuderingsmetodikk
- Studenten skal levere ein rapport med refleksjonsnotat om gjennomført praksisopplegg (ca.1500 ord).
- Studenten skal førebu og gjennomføre eit sjølvvalt repertoar med vokal- og/eller instrumentalensemble. Ensemble og repertoar skal godkjennast av faglærar.
Det er obligatorisk deltaking for studentar på MUS208 på øvingar og konsertar med høgskulen sitt kor og/eller orkester. Vidareutdanningsstudentar som kan dokumentere deltaking i liknande ensemble har fritak frå deltaking i høgskulen sitt kor og/eller orkester.
Sensur vert gjennomført i samsvar med Forskrift om opptak, studium og eksamen ved Høgskulen i Volda §5.
Emnet vert evaluert i samsvar med HVO sitt kvalitetssikringssystem.
- Music
- Music, second one-year unit
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individual | 30 Minutes | A-F, A is the best grade and E is the lowest passing grade | 100 | Praktisk-munnleg eksamen med vokal- eller instrumentalensemble med utgangspunkt i eit førebudd repertoar. |