Emnet gir kunnskap om pedagogiske og didaktiske utfordringar knytt til mangfaldskulturen og undervisning i religion, livssyn og etikk i skulen. Emnet vil også gi innsikt i den oppseding og undervisning som finn stad i den kristne tradisjonen, så vel som i nokre andre tradisjonar med aukande tilslutnad i landet vårt. Emnet er delt inn i fire.
Del 1: Kulturanalyse – kulturmangfald 
Emnet gir ei kort innføring i kulturomgrepet, i kulturmangfaldet i Noreg i dag og i modellar for kulturanalyse. 
Del 2: Religions- og livssynsundervisning i skulen 
Dette emnet tek for seg fagdidaktikk knytt til RLE i grunnskulen og til faget RE i vidaregåande skule. Ein vektlegg utfordringar som samtidskulturens religiøse og livssynsmessige mangfald representerer. 
Del 3: Trusopplæring i kristendom, andre religionar og livssyn 
Innføring i trusopplæring i kristendom, andre religionar og sekulære livssyn som er breitt representerte i Noreg. 
Del 4: Forteljing og bilde
Emnet legg vekt på både teoretiske og praktiske aspekt. Ein vil bruke eksempel frå ulike religiøse tradisjonar og drøfte korleis ein kan bruke forteljing og bildekunst i opplæring.