I Rus som kulturelt og sosialt fenomen studerer vi rusmiddelbruk og rusproblematikk ut i frå forskingsbasert kunnskap frå fleire fagområde, med vekt på sosiologiske og psykologiske tilnærmingar. Vi er opptekne av spørsmål som; kva er avhengigheit, kva for sosiale funksjonar har rusmiddelbruk, kva betyr rusmiddelbruk i samfunnet vårt, korleis kan ein førebyggje problematisk rusmiddelbruk og kva for konsekvensar har rusmiddelbruk for den enkelte, for pårørande, for arbeidslivet og for samfunnet som heilskap?

Emnet har tre temaområde: 

Tema 1) Ulike perspektiv på bruk og avhengigheit av rusmiddel

• Avhengigheit som fenomen
• Rusmiddelbruk og marginalisering  
• Bruk av rusmiddel i historisk perspektiv
• Sosiale og kulturelle funksjonar ved rusmiddelbruk

Tema 2) Bruk av rusmiddel i familie- og kjønnsperspektiv

• Bruk av rusmiddel i ulike livsfasar (ungdom, vaksne, eldre) 
• Born i familiar der det er rusmiddelproblematikk
• Kjønnsskilnader i bruk av rusmiddel

Tema 3) Rus og samfunn

• Ruspolitiske føringar, politikkutforming og rettsreglar
• Førebyggingsstrategiar
• Rus og arbeidsliv
• Rus, vald og kriminalitet
• Rus og sjølvmord

Det vert nytta varierte undervisnings- og læringsformer, og det blir forventa at studentane driv sjølvstudium mellom samlingane. Deltakarane får tilgang til eit elektronisk klasserom der dei mellom anna kan laste ned førelesingar og program for samlingane. Der kan studentane også kommunisere med faglærarar og medstudentar.