I emnet er omgrepa åtferd og læringsmiljø og samanhengen mellom dei hovudsak. Læringsmiljø er eit omfattande omgrep, ofte forstått som kulturelle, relasjonelle og fysiske tilhøve i barnehage og skule som er vesentlege for læring, helse og trivsel. Siktemålet er å gi innsyn i korleis desse omgrepa og relasjonane mellom dei kan legge eit grunnlag for inkluderande opplæring i barnehage og skule. Studentane skal få innsikt i kva samanhengar det kan vere mellom kvaliteten på læringsmiljøet og ulike åtferdsuttrykk som kjem til syne i ulike situasjonar. Det handlar om å få omfattande kunnskapar om årsaker og tiltak som gjeld vedvarande utfordringar i arbeidet i barnehage og skule; at nokre syner ei åtferd som hemmar eiga utvikling og læring. I mange høve kan slik åtferd også forstyrre eller hindre verksemda i gruppa eller klassen.

Studentane skal gjennomføre eit feltarbeid i barnehage og/eller skule, der dei undersøkjer kva som er gjort for at læringsmiljøet skal skape gode vilkår for læring og utvikling for alle.