Semesters
UL306 Masteravhandling, heiltid
Fullført og bestått dei første fire emna i mastergraden med karakter C i snitt. Jf. studieplan for Master i undervisning og læring, opptakskrav pkt 8. I tillegg til dei obligatoriske emna UL301 og UL302 gjeld dette dei to studiespesialiserande emna i anten matematikk, norsk eller spesialpedagogikk, ULMA/NO/SP303 og ULMA/NO/SP304.
Masteroppgåva kan ikkje leverast før ein har stått eksamen i UL305 Vitskapsteori og forskingsmetode.
Mastergradsavhandlinga skal vere eit individuelt, sjølvstendig vitskapleg arbeid innanfor den spesialiseringa studenten er oppteken på, og ha relevans for arbeid i barnehage og skule. Avhandlinga skal omfatte planlegging og gjennomføring av eit forskingsprosjekt og rapportering av det gjennom ei masteravhandling. Normalt skal masteravhandlinga også omfatte ei empirisk undersøking. Det er opning for at avhandlinga kan vere knytt til pågåande FoU-arbeid ved HVO.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne
Studentane skal ha inngåande kunnskap om
- formelle krav til ei vitskapleg avhandling
- aktuell forskings-, teori- og metodediskusjon med relevans for problemstillinga i avhandlinga
- eit avgrensa forskingsfelt som avhandlinga tek opp
Studentane skal kunne
- bruke vitskaplege arbeidsmåtar for å gjennomføre eit sjølvstendig forskingsprosjekt velje relevant teori som reiskap i forskingsprosjektet
- bruke føremålstenlege forskingsmetodar som bidreg til haldbare konklusjonar
- vurdere og handtere etiske problemstillingar i forskingsprosjektet
Studentane kan
- analysere problemstillingar i sitt fagområde og bidra til utvikling av fagområdet
- formidle sjølvstendig arbeid og meistre fagområdet sin terminologi
- vere deltakar i individuelle og kollektive forskingsprosjekt
Det vert gjennomført to prosjektseminar/samlingar over to dagar, med obligatorisk deltaking. Studenten skal under rettleiing utarbeide forskingsplan. Forskingsplanen må vere godkjent før sjølve avhandlingsarbeidet kan starte.
Avhandlinga skal gjennomførast som individuelt arbeid med rettleiing. Rettleiinga er ein vesentlig del av arbeidet med masteravhandlinga. Kvar student får oppnemnt rettleiar. Rettleiinga skal nyttast til å drøfte tekstutkast, val av litteratur, gje praktiske råd om eventuell datainnsamling, og sikre at forskingsetiske retningsliner vert følgde.
Godkjend forskingsplan i eit omfang på om lag 2000 ord.
Eit førsteutkast til kunnskapsgrunnlag og metode på minst 7000 ord skal leverast og godkjennast i løpet av første semesteret.
Tidspunkt for levering vert gitt i starten av semesteret.
Det er obligatorisk frammøte til undervisninga på dei to samlingane.
Emnet blir evaluert i samsvar med HVO sitt kvalitetssikringssystem.
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Master's thesis | Individual | A-F, A is the best grade and E is the lowest passing grade | Nærare retningslinjer for oppbygging og innhald vert gitt på samlingane. | Om lag 32 000 ord +/- 10 % (samandrag, føreord, innhaldsliste, litteraturliste og eventuelle vedlegg kjem i tillegg). |