Populært å dra på praksisutplassering til India
23. oktober arrangerte Institutt for sosialfag, i samarbeid med School of Social Work, eit vellukka rettleiarseminar og workshop i byen Mangalore, India.
Forutan Kenya er India det mest populære praksislandet for sosialfagstudentane ved Høgskulen i Volda. Sidan starten av september har ni sosialarbeidarstudentar frå Volda hatt praksisstudier ved institusjonar i og kring Mangalore. Studentane sette stor pris på å få besøk av rettleiarane sine frå Volda, og saman med tilsette ved sosialarbeidarutdanninga ved School of Social Work, møttes dei for utveksling av tankar om ulike veiledningstradisjonar og relasjonen student/rettleiar i eit krysskulturelt perspektiv. Høgskulelektorane Jan Einar Flø og Gerd Skjong var fagleg ansvarlege og stod for leiinga av fagdagen.
