Norsk (nordisk) - fordjupingsstudium (nettstudium)
Fordjupingsstudiet i norsk (nordisk) språk og litteratur kan utgjere fordjupingskomponenten i ein bachelorgrad eller inngå i ei lærarutdanning. Det kan også nyttast som grunnlag for eit masterstudium i nordisk. Med sin særeigne kulturprofil høver studiet godt som kvalifisering for masterstudiet i skriftkulturar ved Høgskulen i Volda. Studiet gir undervisningskompetanse i norsk i ungdomsskule og vidaregåande skule og kan nyttast i andre yrkessamanhengar der ein treng kompetanse i språk eller litteratur. Dei som tek faglærarutdanning må i tillegg ta praktisk-pedagogisk utdanning.
I samsvar med det nasjonale kvalifikasjonsrammeverket har studenten følgjande læringsutbytte etter fullført studium:
Etter gjennomført fordjupingsstudium skal studenten
- ha solide kunnskapar innanfor eit avgrensa språkleg og litterært felt
Etter gjennomført fordjupingsstudium skal studenten
- kunne formulere relevante problemstillingar med grunnlag i relevant teori og særdrag ved studieobjektet
- ha utvikla gode analyseferdigheiter i samsvar med metodiske krav
Etter gjennomført fordjupingsstudium skal studenten kunne utforme analyseresultata sjølvstendig og reflekterande i ein tekst som tilfredsstiller krava til ei vitskapleg framstilling
Fordjupingsstudiet i norsk (nordisk) språk og litteratur kan setjast saman på ulike måtar:
- eit språkleg og eit litterært emne
- to språklege emne
- to litterære emne
- eit til to emne i anten språk eller litteratur og eit individuelt oppgåveemne i ein av disiplinane
Kvart av emna er på 15 studiepoeng. Den individuelle oppgåva svarar til ei bacheloroppgåve. Du vel sjølv om du vil ta eitt eller to emne per semester. To emne per semester utgjer eit heltidsstudium. Eitt emne per semester utgjer eit deltidsstudium.
Undervisinga i fordjupingsstudiet blir gitt gjennom individuell oppgåverettleiing og ei samling ved studiestaden over to dagar. Oppgåveemna har ikkje samling.
Studenten vel sjølv målform på oppgåvene.
Du kan bygge ditt eige fordjupingsstudium ved å velje dei emna du er interessert i.
Du kan velje blant to litterære emne, NO209 og NO204.
Du kan velje blant to språklege emne, NO207 og NO201.
I tillegg kan du velje å skrive ei bacheloroppgåve i eitt av områda ved å velje anten NO211 eller NO213 i siste semester.
Fordjupingsstudiet skal til saman utgjere 60 studiepoeng. Det vil seie 4 av dei valgbare emna.
| Course | 2025 Autumn | 2026 Spring |
|---|---|---|
Litterære emne | ||
| 15 | ||
| 15 | ||
Språklege emne | ||
| 15 | ||
| 15 | ||
Oppgåveemne | ||
| 15 | ||
| 15 | ||
| Sum (0 total) | 0 | 0 |
Ein rår til at studentar som vurderer å søkje, har C eller betre i gjennomsnittskarakter frå årsstudiet i den disiplinen ein vel å fordjupe seg i.
Det er ikkje knytt praksis til emna.