Semesters

HI100 Historisk innføringsemne

Course code: 
HI100
Duration: 
1 semester
Credits (ECTS): 
15
Level of study: 
Foundation level (bachelor’s degree level)
Teaching semester: 
2018 Spring
Assessment semester: 
2018 Spring
Language of instruction: 
Norwegian
Required prerequisite knowledge

Ingen

Course content

Emnet skal gje studentane ei innføring i sentrale spørsmål og arbeidsmåtar i historiefaget som eit humanistisk og samfunnsvitskapleg fag. Det inviterer til refleksjon omkring vitskaplege grunnlagsproblem og tar opp tilhøvet mellom historiefaget og samfunnet.

Emnet er delt i to delar, ein teoridel på om lag 5 studiepoeng og ein oppgåvedel på om lag 10 stp. Formålet med oppgåvedelen av emnet er å gje studenten høve til å fordjupe seg i eit (område) tema i norsk og / eller internasjonal historie ved å skrive ei større fagleg oppgåve (kalla temaoppgåve) der bruken av kjelder, metode og / eller historiografi blir særleg vektlagt. Gjennom skriveprosessen skal studenten øve opp kritisk haldning til kjelder og litteratur, evne til å utvikle ei problemstilling, evne til gjere greie for hovuddelane av det valde emnet for temaoppgåva og drøfte argument for og mot ein påstand knytt til det.

Instituttet gjev kvart år rettleiing knytt til nokre temaområde frå norsk og/eller internasjonal historie. Studenten skal sjølv velje hovudproblemstilling, som skal godkjennast av rettleiar. I samråd med rettleiar skal studenten finne fram til 300 sider relevant støttelitteratur for det temaet og den problemstillinga ho/han har vald, og så skrive oppgåva med utgangspunkt i denne.

Teoridelen gjev ei grunnleggjande innføring i historiefaget sin plass som humanistisk og samfunnsvitskapleg fag frå antikken og fram til i dag. Teoridelen skal kombinerast med ein studietur til Roma. Det blir lagt opp eit felles pensum på ca 400 sider, sjå pensumliste. Det blir gjeve førelesingar i emnet, nokre i Volda, nokre i Roma. På studietur til Roma blir det i tillegg arrangert ekskursjonar.

Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenten:

  • har utvida kunnskap og innsikt i eit meir avgrensa område eller tema i norsk og/eller internasjonal historie
  • har kunnskap om hovudtrekk i historiefaget si utvikling sidan antikken
  • har grunnleggjande kunnskap om romersk historie og nokre kulturhistoriske tema i antikken
Learning outcome skills

Studenten:

  • kan tileigne seg, ordne og systematisere kunnskap på logisk konsekvent vis for å svare på ei historisk problemstilling
  • kan skrive fagtekstar av eit visst omfang på eiga hand og innafor gjevne tidsrammer
  • kan formidle kunnskap om emneinnhaldet til fagmiljø og eventuelt eit allment publikum, f. eks. gjennom digitale medium slik som blogg
  • kan reflektere over eige fagleg arbeid og justere dette under rettleiing
  • kan sjå framveksten av eitt vitskapsfelt som ledd i større historisk utvikling og samanhengar
Learning outcome qualification

Studenten

  • kan sette seg inn i nye problemområde og analysere saker frå fleire sider
  • kan handtere informasjonsmengder av eit visst omfang, og ordne og systematisere kunnskap på logisk konsekvent vis
  • kan dokumentere skriftlege arbeid i samsvar med generelt vedtekne krav innafor høgare utdanning
Working and learning activities

Emnet er organisert med tre arbeidsperiodar:

a) Frå semesterstart ein innføringsperiode knytt til oppgåvedelen av emnet, der det blir gjeve førelesningar og halde seminar på kvart av dei aktuelle temaområda. I desse blir det gjeve ei heilt grunnleggjande innføring i temaet og kjelde- og litteratursituasjonen. Vidare kan det bli arrangert studentstyrde seminar, der utkast til forskjellige element/stadium av den ferdige oppgåva skal leggjast fram for medstudentar til kommentar.

b) Undervisning i teoridelen av emnet. Undervisninga vert følgt opp med ein studietur til Roma på ei veke, der det vert lagt inn ekskursjonar og førelesingar. Dersom det ikkje melder seg nok studentar til studieturen innan den oppgjevne fristen, blir det i staden gjeve utfyllande undervisning på campus. All undervisning er basert på at studentane på førehand set seg inn i det aktuelle pensumet og såleis førebur seg på dei problemstillingar som vert tekne opp.

c) Framhald av oppgåvedelen og ferdiggjering av oppgåva.

All innlevering av oppgåveutkast m.m. (sjå Vilkår for å framstille seg til eksamen nedanfor) skjer i eit digitalt læringssystem. Det er derfor ein føresetnad for å kunne studere historie i Volda at studenten er kjend med elementær internettbruk – navigering i nettlesar, bruk av diskusjonsforum, opp- og nedlasting av filer. Det vert gjeve innføringskurs i desse teknikkane ved semesterstart, og det vert lagt ut rettleiingar på nettet.

Assessment requirements

Studentane sitt sjølvstendige arbeid gjennom heile semesteret blir lagt til grunn for vurderinga i emnet. Følgjande arbeidskrav skal studentane gjennomføre:

Oppgåvedelen (10 stp.)

  • Skrive utkast til temautgreiing og problemstilling med kjelde- og litteraturliste for oppgåvedelen av emnet. Utkastet skal godkjennast av faglærar. Slik godkjenning er nødvendig for at studenten skal kunne gå vidare på emnet. I tilfelle det første framlegget blir underkjent, får studenten høve til å levere ein ny versjon. 
  • Skrive ut hovuddelen av temaoppgåva og legge ho fram for medstudentar til kommentering. Utkastet skal minst ha eit omfang på 2000 ord utanom framside, innhalds- og kjelde-/litteraturliste. 
  • Skrive kortare kommentarar (responsar) til temautgreiing, problemstilling og hovuddel av oppgåva frå eit antal medstudentar. Ein kommentar skal ha eit omfang på 200 – 400 ord. 
  • Levere eit tilnærma ferdig utkast til temaoppgåve til faglærar for godkjenning. Utkastet skal ha eit omfang på 3000-5000 ord.

Teroridelen (5 stp.)

  • Levere eit skriftleg grunnlag for, og gjennomføre ein munnleg presentasjon av eit tema knytt til teoridelen av emnet, i samsvar med plan og instruks oppsett frå instituttet. 
  • Heimeprøve i teoridelen av emnet.

Studentar som ikkje får godkjent på arbeidskrava, får ny sjanse innan ein kort frist.

Detaljane i arbeidskrava - nærare formkrav og framdriftsplan, forklaring og døme på dei ulike prøvetypane – vert presiserte i eit eige skriv og lagt ut i det aktuelle emneromet i Fronter.

Alle arbeidskrav må vere godkjende for at studenten skal kunne gå opp til eksamen. Arbeidskrava og eksamen må gjennomførast i same semester. Alle arbeidskrav skal gjennomførast som sjølvstendige arbeid.

Evaluation system

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11 (http://lovdata.no/forskrift/2014-12-04-1697/%C2%A75-11)

Evaluation

Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)

Minimum number of students: 
8
Maximum number of students: 
25
Person in charge: 
Harald Johannes Krøvel
Used in other programs
  • Bachelor in religious studies
  • History - bachelor
  • History - yearcourse
VurderingsformGrupperingVarighetKarakterskalaAndelKommentarHjelpemidlerOmfang
Portfolio
Individual
1 Semester
A-F, A is the best grade and E is the lowest passing grade
Mappa skal innehalde den ferdige oppgåva og det skriftlege grunnlaget for presentasjonen av tema frå teoridelen av emnet.
Alle
Oppgåva skal ha eit omfang på 3000-5000 ord.
Approval signature: 
Odd Ragnar Hunnes 08.02.17