Semesters

HPE206 Rettleiing av mastergradsstudentar

Course code: 
HPE206
Duration: 
2 semesters
Credits (ECTS): 
5
Level of study: 
Foundation level (bachelor’s degree level)
Teaching semester: 
2023 Autumn
2024 Spring
Assessment semester: 
2024 Spring
Language of instruction: 
Norwegian
Required prerequisite knowledge

Ingen. 

Course content

Studiet er for fagleg tilsette ved HVO

Formålet med emnet er å gje deltakarane praktisk og teoretisk innsikt i rettleiing som læringsform knytt til mastergradsnivå. Emnet er forankra i rettleiingspedagogikk og kan tilpassast dei ulike studieprogramma ved Høgskulen i Volda. Tilhøvet mellom teori og praksis, etiske problemstillingar og profesjonsforståing er sentralt. Det vert lagt vekt på ei vid rettleiingsforståing der ulike modellar for mastergradsrettleiing vert presentert som grunnlag for diskusjonar om likskap og ulikskap mellom aktuelle studieprogram på mastergradsnivå. Emnet vil gi innsikt i problemorientert rettleiing, både individuelt og i gruppe. Eit mål for emnet er å støtte faglærar i rettleiinga av eigne mastergradsstudentar, og det skal bidra til å stimulere til kontinuerleg utvikling av tilsette sin pedagogiske kompetanse. Emnet kan også inngå i pedagogisk merittering.

Learning outcome

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Learning outcome knowledge

Studenten har:

  • kunnskap om ulike rettleiingstradisjonar og teoretiske rammeverk innan forskingsrettleiing
  • kunnskap om ulike teoretiske perspektiv på rettleiing, rettleiarrolla og profesjonalitet
  • kunnskap om etiske perspektiv i arbeidet som rettleiar
Learning outcome skills

Studenten kan:

  • identifisere og nytte ulike rettleiingsstrategiar for å fremje læring
  • ta i bruk relevante tilnærmingar knytt til studentane sine behov i ulike fasar av oppgåveskrivinga
  • ta del i og leie ulike former for rettleiing individuelt og i grupper
Learning outcome qualification

Studenten:

  • kan planlegge, gjennomføre og kritisk analysere rettleiingsprosessar med omsyn til individuell ståstad og institusjonelle krav
  • kan tilpasse eiga rettleiingsforståing til krava i det einskilde studieprogrammet
  • reflekterer kritisk over eigen og andre sin rettleiingspraksis
  • kan ta initiativ til utvikling og nytenking knytt til rettleiing
Working and learning activities

Arbeidsmåtane vekslar mellom førelesingar, presentasjonar av eigenproduserte tekstar, drøftingar og praktiske øvingar.
Intensjonen med arbeidsmåtane er å støtte tilsette i rettleiingsarbeidet og i si eiga utvikling i rolla som rettleiar.

Assessment requirements

Frammøtekrav:

Det er obligatorisk frammøte til all timeplanfesta aktivitet, jf. Forskrift om opptak, studium og eksamen ved Høgskulen i Volda, §4-6, med krav om 70 % oppmøte

Arbeidskrav:

  1. Innlevering av tekst på om lag ei side om ein reell rettleiingssituasjon
  2. Innlevering av tekst på omlag 1200 ord der studenten drøftar eigen praksis som rettleiar, med basis i litteratur om forskingsrettleiing. Arbeidskravet dannar utgangspunkt for eksamen. 

Detaljert informasjon og vurderingskriterium for arbeidskrava vert gitt ved semesterstart.

Det er ein føresetnad at arbeidskrava er fullførte og godkjende for å kunne framstille seg for eksamen i emnet. Sjå Forskrift om opptak, studium og eksamen ved Høgskulen i Volda, § 4-7.

Evaluation system

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluation

Emnet vert evaluert i samsvar med HVO sitt kvalitetssystem.

Minimum number of students: 
10
Maximum number of students: 
25
Person in charge: 
Gerd Sylvi Steinnes
Costs

Det er ikkje knytt studieavgift til emnet.

Studentane har fritak for semesteravgift.

Used in other programs
VurderingsformGrupperingVarighetKarakterskalaAndelKommentarHjelpemidlerOmfang
Home exam
Individual
1 Week
Pass / fail
Eksamen bygger på arbeidskrav innlevert i studiet.
Alle hjelpemiddel tillatt
2500-3000 ord
Approval signature: 
Arne Myklebust