Emnet skal gje studentane kunnskap om kommunikative metodar i plan- og utviklingsarbeid, og erfaring i å ta i bruk desse metodane i utforming av prosjektplanar og prosessdesign. Emnet vektlegg bruk av planleggingsverkstadar som arena for deltaking og ulike kreative metodar som kan inngå i verkstadane og prosessane.

Emne skal også gje grunnlag for kritisk vurdering av prosjekt og prosessar ved bruk av nyare forsking på feltet og gjennomgang av evalueringsrapportar.

Sentralt i emnet er at studentane skal utarbeide eigne prosjektplanar og prosessdesign for eit sjølvvald tema. Dette arbeidet inngår som del av vurderingsgrunnlaget i emnet. Det blir også lagt opp til at studentane skal kunne gjennomføre evaluering av eige og andre sine prosessdesign og prosjektplanar.

Emnet er eigna både for nyutdanna og for yrkesaktive som har ansvar og oppgåver innanfor samfunnsplanlegging, lokalsamfunnsarbeid eller organisasjonsutvikling i offentleg, privat eller frivillig sektor, og som ønskjer kompetanse i prosessleiing og prosektdesign på masternivå.