Semesters
KOH115 Tre, bruksformdesign
Ingen
Trearbeid, bruksformdesign er eitt av dei emna i studieprogrammet Bachelor i Kunst og handverk som er mogleg å ta som valfritt emne. Sentralt i emnet står skapande arbeid innanfor materialområdet tre med vekt på ulike to- og tredimensjonale teknikkar. I tillegg vert det fokusert på presentasjon og formidling av eigne visuelle uttrykk, samt teori knytta til fagdidaktikk og undervisning.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten:
-har kunnskap om korleis ein kan nytte estetisk og formal kunnskap i arbeid med tredimensjonal form.
-har kunnskap om ulike materialar, teknikkar og verktøy til konkrete oppgåveløysingar.
-har kunnskap om korleis bruke og stelle av trebearbeidingsverktøy, handverktøy og maskiner.
-har kunnskap om designhistorie; ulike perspektiv, mellom anna det nordiske
-har kunnskap om korleis eit konkret produkt vert til, frå ide til ferdig form
-har kunnskap om korleis dokumentere eigne arbeidsprosessar og presentere desse digitalt
-har kunnskap om enkle funksjonsanalyse
-har kunnskap om emnet sin plass i ein fagdidaktisk og tverrfagleg samanheng
Studenten:
-har ferdigheiter i å planleggje, designe, og presentere tanke- og arbeidsprosessar i eit funksjonsanalytisk perspektiv
-har ferdigheiter i å arbeide med ulike materialar i ulike teknikkar ut frå eit funskjons- og miljøperspektiv.
-har ferdigheiter i bruk og stell av utstyr, verktøy og maskiner
-har ferdigheiter i korleis ein kan gjere greie for ulike produkt sine kulturelle referansar
-har ferdigheiter i korleis ein kan utvikle forståing for estetiske verdiar knytt til kultur-og handverkstradisjonar
-har ferdigheiter i korleis ein kan nytte emnet i ein fagdidaktisk – og tverrfagleg samanheng
Studenten:
-kan utnytte faget sitt potensiale til å fremje gjenbruk og berekraftig utvikling
-kan reflektere over relevante HMS-tiltak knytt til fagområdet, materialar og verkstader
-kan bruke verdiar i faget til å stimulere eiga personlegdomsutvikling og danning.
Emnet er hovudsakleg konsentrert om praktisk arbeid og omfattar skapande arbeid med ulike bruksformer i tre. Handverk, kunsthandverk og design vil vere sentrale studie- og referanseområde. Første halvdel av studiet er lagt opp med innføringsblokker i ulike teknikkar og tema, med ein kombinasjon av forelesing og individuell oppgåveløysing, fellesundervisning og sjølvstudium. Andre del av emnet er prosjektbasert, der studenten arbeider med ei større fagleg problemstilling gitt av faglærar. Denne skal framstillast til eksamen. Det vert forventa at studentane i stor grad tek ansvar for eiga læring gjennom studentaktive arbeids- og undervisningsformer. Studenten får uformelle prosessevalueringar i arbeidsøktene. Studiet er organisert som eit deltidsstudium over eitt semester. Det er forventa at studenten har elementær datakunnskap.
Det er obligatorisk frammøte til all verkstadundervisning. Studentar som er borte frå undervisninga, har sjølve ansvar for å setje seg inn i gjennomgått fagstoff i deira fråvær. Det er forventa at studenten har elementær datakunnskap.Det er obligatorisk oppmøte og deltaking til alle organiserte læringsaktivitetar, jamfør Forskrift om opptak, studium og eksamen ved Høgskulen i Volda. Med deltaking meiner ein at studentane skal arbeide med oppgåveløysingar på ein slik måte, at lærar og medstudentar kan få innsyn i læreprosessane.
Sensur blir gjennomført i samsvar med Forskrift om opptak, studium og eksamen ved Høgskulen i Volda.
Studiekvalitetsarbeidet vert gjennomført i samsvar med gjeldande retningslinjer for HVO.
Studentane betaler ei materialavgift på kr. 700,- til innkjøp av fellesmateriale. I tillegg må kvar student pårekne kjøp av litt reiskap/utstyr, samt materialer til eige eksamensarbeid.
- Design, Arts and Crafts
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Portfolio | Individual | Weeks | A-F, A is the best grade and E is the lowest passing grade |