Bachelorprogrammet i journalistikk ved Høgskulen i Volda gir studentane ei brei og solid opplæring i journalistikk, med fordjupning innanfor TV, radio eller nettjournalistikk. Gjennom studiet får studentane praktisk erfaring med journalistisk metode og formidling på ulike plattformer. Fleire praksisperiodar med redaksjonelt arbeid er ein viktig del av studiet, der ein nyttar larbeidsflyt, verktøy og utstyr som i bransjen. Studentar som fullfører denne utdanninga, er ettertrakta i redaksjonar over heile landet. 

Studiet inneheld desse elementa:

·       Journalistrolla og journalistisk metode

Studentane får innsikt i journalistikkens samfunnsrolle og profesjonskultur, kombinert med praktisk opplæring i journalistisk arbeid. Fokus er å forstå journalistrolla, nyhendekriterium, og nyhendekjelder, og korleis media påverkar samfunnet. Undervisninga kombinerer teori og praksis gjennom førelesingar og praktiske oppgåver i redaksjonar. 

·       Kjeldearbeid og journalistisk undersøking

Studentane lærer å finne fram til eigne nyheiter og gjennomføre sjølvstendig undersøkjande journalistikk. Dette inkluderer kjeldekritikk, offentleglova, og innsynsrett. Undervisninga legg vekt på korleis ein kan arbeide systematisk for å skape truverdige journalistiske produkt. 

·       Mediespråk og formidling

Gjennom studiet får studentane øving i skriftleg, munnleg og visuell formidling innanfor ulike sjangrar. Her blir språksosiologi, retorikk og forteljeteknikk sentrale tema, og målet er at studentane skal utvikle ein personleg og effektiv forteljarstil, som kan brukast på tvers av medieplattformer. 

·       Medieetikk og mediejuss

Studentane blir trena i å analysere og ta stilling til etiske og juridiske problemstillingar knytt til journalistisk arbeid og publisering. Dette inkluderer tema som pressefridom, personvern, kjeldevern og opphavsrett. Studiet gir også innsikt i samanhengen mellom presseetiske retningslinjer og dei juridiske rammene for publisering. 

·       Medievitskap

Gjennom ein teoretisk og analytisk tilnærming skal studentane forstå media si rolle i samfunnet og utvikle kritisk refleksjon over profesjonen. Undervisninga gir eit historisk og samtidsaktuelt perspektiv på ytringsfridom, offentlegheit og media si makt, samt innføring i akademisk oppgåveskriving. 

Vidare moglegheiter: 

Studiet kvalifiserer for opptak til Master in Media Practices ved Høgskulen i Volda.