Media, IKT og design
På Bachelor i media, IKT og design arbeider du med mediedesign eller medieproduksjon for å skape innhald på dagens og morgondagens plattformer. Etter første året med innføring i design, foto, film og videoproduksjon, web og kampanje saman med medieteori, vel du studieretning.
- Studieretninga Medieproduksjon fokuserer på visuelle medier som film, foto og fleirkameraproduksjon. Du arbeider med bilde- og videoproduksjonar innan fleire sjangerar, med fokus både på teknikk, dramaturgi, og innhaldsproduksjon mot ulike plattformer.
- Studieretninga Mediedesign fokuserer på utforming av visuelle uttrykk med utgangspunkt i grafisk design, foto og webdesign. Du fordjupar deg i visuell kommunikasjon, front-end design, redaksjonell og strategisk design, med vekt på både teknikk og innhaldsforståing på digitale flater.
I begge studieretningane er det fokus på medieutvikling, og gjennom valbare emne kan du lære å utforme brukarvenlege løysingar for nettbrett, mobil og web. Med relevante programmeringsspråk i verktøykassa får du fordjupe deg i utvikling av apps og erfaring med problemløysing i utviklingsprosjekt. Som del av studiet inngår både praksisopphald, større prosjektarbeid og produksjonar for ulike oppdragsgjevarar, og du vil arbeide både individuelt og i team. I løpet av studiet kan du og tilbringe eit semester i utlandet.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Kandidaten i media, IKT og design:
- har kunnskap om innhald i media og dei sentrale reiskapane medievitskapen har utvikla for å studere innhald
- har kunnskap om korleis mediesamfunnet verkar inn på sosialisering, identitetsdanning og samfunns- og skuleutvikling
- har kunnskap om sentrale medie- og kommunikasjonsteknologiske tema, teoriar og problemstillingar
- har kunnskap om tradisjonelle og nyare digitale formidlings- og kommunikasjonsformer, produksjonsmåtar og utviklingsmetodar knytt til enkeltmedium og på tvers av medieelementa tekst, lyd og bilde
- har kunnskap om bruk av medie- og kommunikasjonsteknologi i læring og formidling
- har kunnskap om utvalde retningar innan vitskapsteori og metode
Kandidaten i media, IKT og design:
- kan nyttiggjere seg kunnskapar om medie- og kommunikasjonsteknologi på praktiske og teoretiske problemstillingar, grunngje vala sine og analysere relevante uttrykk
- kan bruke relevante produksjonsmetodar, arbeids- og uttrykksformer både knytt til tradisjonelle medium, nyare medium og medieuttrykk som inneheld element frå fleire fagområde og medium
- kan fungere som kompetansemeklar i tverr- og fleirfaglege prosjekt- og produksjonsarbeid
- kan planlegge og leie læringsarbeid med, om og igjennom medie- og kommunikasjonsteknologi
- kan reflektere over eigen fagleg utvikling og gjere seg nytte av rettleiing i arbeid med teoretiske og praktiske oppgåver
Kandidaten i media, IKT og design:
- Har innsikt i relevante faglege og yrkesetiske problemstillingar
- Kan planleggje og gjennomføre varierte arbeidsoppgåver og prosjekt åleine og som deltakar i ei gruppe, og i tråd med etiske krav og retningslinjer
- Kan formidle sentralt fagstoff som teoriar, problemstillingar og løysingar gjennom relevante uttrykksformer
- Kan utveksle synspunkt og erfaringar med andre og slik medverke til utvikling av god praksis
Studiet er organisert med forelesingar, workshops og praktisk arbeid individuelt og i gruppe. Det går fram av emneplanane om det er obligatorisk frammøte til undervisninga. Les om obligatorisk frammøte i gjeldande Forskrift om opptak, studium og eksamen ved Høgskulen i Volda. På medieproduksjonsløpet er det 25 plasser.
Dei to tabellane under syner studieløpet for dei to retningane. Første tabellen er for Medieproduksjon og andre tabellen er for Mediedesign.
| Emne | 2016 Haust | 2017 Vår | 2017 Haust | 2018 Vår | 2018 Haust | 2019 Vår |
|---|---|---|---|---|---|---|
Obligatoriske fellesemne | ||||||
| 30 | ||||||
| 15 | ||||||
| 15 | ||||||
| 15 | ||||||
Bacheloroppgåve: Anten MID230 (30 stp.) eller MID203 (15 stp.) + valfrie emne (15 stp.) | 30 | |||||
| 30 | ||||||
| 15 | ||||||
Valfritt emne (sjå lista nederst i tabellen) | ||||||
| 15 | ||||||
| 15 | ||||||
| 15 | ||||||
Andre moglege valemne: | 15 | 15 | ||||
| 15 | ||||||
| 15 | 15 | |||||
| 15 | 15 | |||||
| 15 | ||||||
| 15 | 15 | |||||
| 15 | 15 | |||||
| 15 | 15 | |||||
| 15 | 15 | |||||
| 15 | 15 | |||||
| 5 | 5 | 5 | ||||
| Sum (180 total) | 30 | 30 | 30 | 30 | 30 | 30 |
| Emne | 2016 Haust | 2017 Vår | 2017 Haust | 2018 Vår | 2018 Haust | 2019 Vår |
|---|---|---|---|---|---|---|
Obligatoriske fellesemne | ||||||
| 30 | ||||||
| 15 | ||||||
| 15 | ||||||
| 15 | ||||||
| 15 | ||||||
| 15 | ||||||
Bacheloroppgåve: Anten MID230 (30 stp.) eller MID203 (15 stp.) + valfrie emne (15 stp.) | 30 | |||||
| 30 | ||||||
| 15 | ||||||
Valfritt emne (sjå lista nederst i tabellen) | ||||||
Andre moglege valemne: | 30 | 15 | ||||
| 15 | 15 | |||||
| 15 | 15 | |||||
| 15 | ||||||
| 15 | 15 | |||||
| 15 | ||||||
| 15 | 15 | |||||
| 15 | 15 | |||||
| 15 | 15 | |||||
| 15 | 15 | |||||
| 15 | 15 | |||||
| 5 | 5 | 5 | ||||
| Sum (180 total) | 30 | 30 | 30 | 30 | 30 | 30 |
For auka kvalitet og kontinuitet i studiet krev vi at studentane stiller med eigen bærbar PC som er kapabel til mediearbeid, samt minnekort (SD) til bruk i kamera/lydutstyr. Høgskulen har i tillegg ein godt utstyrt maskinpark tilgjengelig for studentane til spesialformål. Studentarbeid som blir produsert og dokumentert i løpet av studiet vil kunne bli brukt som døme ved seinare kurs, eller i skulen sin informasjon om eigne aktivitetar, dersom ikkje studenten skriftleg motsett seg dette.
I studiet inngår observasjonspraksis, intern og ekstern prosjekt- og produksjonspraksis avhengig av studieretning. Nærare retningsliner for praksis kvart studieår blir gitt ved semesterstart.
4. semester består av eitt obligatorisk og eitt valfritt emne om du studerer medieproduksjon, og to valfrie emner om du studerer mediedesign. Det er også høve til å reise på utveksling i dette semesteret. Om ein vel utveksling, må ein syte for at ein i utvekslingsopphaldet vel emne som tilsvarar det obligatoriske emnet.
Studieprogrammet vert evaluert i samsvar med HVO sitt kvalitetssikringssystem.