Bachelor i friluftsliv og naturguide
Som bachelorstudent i friluftsliv og naturguide vil du vere med på allsidige aktivitetar i Sunnmørsnatur. Studieprogrammet skal gi deg personleg og fagleg utvikling både teoretisk og praktisk.
Bachelor i friluftsliv og naturguide har 180 studiepoeng i faget, med inntil 115 stp på fordypingsnivå. Ei mogleg utveksling ligg i det 5. semesteret. Studentar kan gjennomføre dette semesteret ved våre samarbeidande institusjonar både nasjonalt og internasjonalt.
Første og andre året i bacheloren består av obligatoriske emne. Første året gir grunnleggjande innføring i friluftsliv og rettleiing i friluftsliv i ulike naturtypar og landskap. Andre året i bacheloren siktar mot Norsk Naturguide sin bransjestandard og gir studenten påbygging innafor friluftslivsleiing.
Det tredje året i bacheloren har eit fokus på helsefremjande arbeid og Ex Phil i haustemesteret og motivasjonspsykologi i vårsemesteret. Bacheloroppgåve er lagt til vårsemesteret. Vårsemesteret er obligatorisk.
Med bachelor i friluftsliv og naturguide er kandidaten kvalifisert til arbeid med friluftsliv og naturguiding i det offentlege, i frivillige organisasjonar, i det private næringsliv og for vidare masterstudium.
I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram.
Kandidaten
- kan gjere greie for fagfeltet si historie, tradisjon, eigenart og samfunnsrelevans
- forstår eit breitt spekter av sentrale tema, teoriar, problemstillingar, endringsprosessar, analyseverkty og metodar innafor friluftslivsfaglege kompetanseområde
- kan gjere greie for naturbasert reiseliv og forstår både oppgåva og ansvaret i naturguiding som profesjon
- kan forklare bruk av friluftsliv som helsefremjande aktivitet
- Kan forklare motivasjonsprosessar
- kan identifisere vitskapsteoretiske og metodiske føresetnader for forskingsbidrag innan fagfeltet
Kandidaten
- kan planleggje, gjennomføre og vurdere friluftsliv over fleire dagar for mange ulike målgrupper
- har eigenferdigheit og reflekterer over eigne muligheiter og begrensningar
- kan rettleie andre innan friluftsliv
- kan guide grupper i sunnmørslandskap
- kan bruke faglege analyseverkty, teknikkar og uttrykksformar
Kandidaten
- har særskild god kunnskap om fjell- og kystlandskap på Sunnmøre og ei aktiv tilnærming til å bli kjent med nye landskap
- utøvar kritisk og sjølvstendig tenking og refleksjon over eigen praksis
- kan reflektere over relevante fag- og yrkesetiske problemstillingar
- kan presentere problemstillingar, synspunkt og løysningar, både skriftleg, munnleg og gjennom andre relevante uttrykksformer
- kan formidla og drøfte sentralt fagstoff
- er kjend med nytenking og innovasjonsprosessar
Teori og praksis vil følgje kvarandre gjennom turar og aktivitetar i ulike naturtypar og til alle årstider. Arbeidsmåte og organisering i studiet er prega av aktivt friluftsliv.
Undervisninga baserer seg på studentaktive arbeidsmåtar som krev eigenstudium, aktiv deltaking og medansvar.
Undervisninga vekslar mellom forelesning/plenumdrøftingar, seminar, gruppearbeid og turprega utandørsopphald som kan vare over fleire døgn. Opplevingar, observasjonar og erfaringar ein får ute gir grunnlag for drøfting, refleksjon og anna studiearbeid.
| Emne | 2018 Haust | 2019 Vår | 2019 Haust | 2020 Vår | 2020 Haust | 2021 Vår |
|---|---|---|---|---|---|---|
Obligatoriske emner | ||||||
| 30 | ||||||
| 30 | ||||||
| 15 | ||||||
| 15 | ||||||
| 15 | ||||||
| 15 | ||||||
Valemne | 30 | |||||
| 10 | ||||||
| 20 | ||||||
Internasjonalisering | 30 | |||||
Obligatoriske emner | ||||||
| 15 | ||||||
Studentane vel anten IKF209 eller IKF210 | 15 | |||||
| 15 | ||||||
| 15 | ||||||
| Sum (180 total) | 30 | 30 | 30 | 30 | 30 | 30 |
Studenten må vere fysisk og psykisk skikka til å ta vare på seg sjølv i variert natur. Studenten må vere symjedyktig og kunne ferdast til fots og på ski med full oppakning.
Studiet har praksis og det skal leverast politiattest.
Bachelorstudiet har praksis alle tre studieår. Første året er det både observasjonspraksis og rettleiarpraksis. Andre året er det guidepraksis gjennom reiselivet. Tredje året er det praksis med helsefremjande arbeid knytt til utviklingsarbeid. Til saman om lag 22 dagar med praksis.
Det er mogleg å reise på utveksling i 5. semester til ein av våre samarbeidende institusjonar. Ta kontakt med studieprogramleiar for meir informasjon.
Materialavgift. Kr. 400 pr. semester.
Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)