Nyhende

Høgskulen i Volda registrerer rekordstor søking til masterutdanninga i helse- og sosialfag – meistring og myndiggjering. – Då søknadsfristen var ute hadde vi godt over 40 kvalifiserte søkarar, seier rådgjevar Gunnvor Bakke som minner om at høgskulen har fleire andre masterutdanningar og masteremne som framleis er opne for søking.

For at studentane i Volda skal få best mogleg undervisning og for å stette krav om utdanningsfagleg kompetanse, set undervisarane ved Høgskulen i Volda seg på skulebenken for å styrke sin pedagogiske kompetanse.

Hjalmar Eiksund disputerte 27. mai 2021 for ph.d.-graden ved Universitetet i Bergen med avhandlinga: «Samanheng og samanfall».

Fredag den 21.mai hadde to grupper i andre klasse ved Bachelor i teater og drama eksamen i dokumentarteater. Tema var incels, om menneske som lever i ufriviljug sølibat, og fenomenet sugardating. – Dette er viktige og relevante tema fortalt gjennom vandreteater og interaktivt teater, seier fagleg ansvarleg førstelektor Vibeke Preus.

Klima- og miljørapporten for Høgskulen i Volda for 2020 er klar. I «Korona-året» har det ikkje overraskande vore stor nedgang i utslepp grunna reiser, men ei rekkje tiltak har også ført til at dette talet kan haldast nede framover. Sykkelhotell er ei av dei positive nyvinningane som kjem framover.

– Heile 240 lærarar og barnehagelærarar har søkt Utdanningsdirektoratet om opptak til Høgskulen i Volda sine studietilbod innanfor Kompetanse for kvalitet i 2021, ein auke på 61 i høve til i fjor, seier seniorrådgjevar Ole Frank Bakken ved Avdeling for humanistiske fag og lærarutdanning.

Sivert Aarflot-huset er snart klart for innflytting, og byggearbeidet på det nye mediehuset er i sluttfasen. I samband med byggeinnspurten vert brua og gangvegen mellom Berte Kanutte-huset og Hans Strøm-huset mellombels stengt.

Det vert direktesendt praksis på nasjonaldagen for sju mediestudentar frå Høgskulen i Volda i samarbeid med Oclin og Tussa. Studentane skal vitje alle kommunane på Søre Sunnmøre og rapportere frå festlegheitene.

Om du ikke har fått med deg den nye TV-serien Kjønnskampen fra Student-TV, bør du se her.

- Dette vert ei unik mastergrad! Det seier representantar frå gruppa som jobbar med søknaden til eit nytt studietilbod ved Høgskulen i Volda. Her skal dei samle alle bachelorprogramma ved Avdeling for kulturfag. Fagmiljøet ønskjer å ha med seg både studentar og kollegaer ved høgskulen i arbeidet.