Nyhende

Som ein del av fleirkulturell veke i barnehagelærarutdanninga tok førsteårsstudentane og lærarane turen til Volda bygdetun for å lære meir om samisk kultur og levesett.

Symfoniorkesteret ved Høgskulen i Volda og 120 dansarar frå Ballettskulen i Ørsta og Volda framfører Nøtteknekkaren i Operahuset Nordfjord 25. og 26. januar. Begge framsyningane er utselde.

Folvengaard AS vann tysdag Landbrukets innovasjonspris. Dei er ein del av algeprosjektet Algae to Furture der mediemiljøet ved Høgskulen i Volda, representert ved både studentar og tilsette, spelar ei sentral rolle.

Tre tilsette frå Høgskulen i Volda skal utgjere eit panel ved årskonferansen til Latin American Studies Association (LASA), som blir arrangert i Guadalajara i Mexico 13. – 16. mai.

Studentar i Volda kan glede seg over eit år som er fylt til randen av høgdepunkt! I 2020 blir det ikkje vanskeleg å finne gøyale og viktige arenaer for å dele gode stunder med medstudentar.

Selskapet Eduplaytion utviklar eit matematikkspel som heiter Numetry. No har dei inngått eit samarbeid med Nynorsksenteret ved Høgskulen i Volda for å gje spelet eit unikt særpreg.

Frå 2020 er Kjersti Brevik Møller Høgskulen i Volda sitt nye studentombod.

«Pliz gjenta dette!» var ei av tilbakemeldingane studentane ga etter eksamensførebuande veke ved HVO før jul. Andre delte ut karakteren A+. – Strålande at dette vart sett pris på, svarer arrangørane, og lover fleire og liknande arrangement neste år: - I Volda skal du bli tatt ekstra godt vare på! 

Å hjelpe rusavhengige, foreldrelause barn og trengande eldre i land som Tanzania og India har vore ein del av prakiskvardagen til barnevernspedagog- og sosionom-studentar dette semesteret.

I motsetnad til mange andre stadar var det ved Høgskulen i Volda to kvinner som scora høgst poengsum i forskingspublisering ved siste rapport. Begge gav ut både bok og to artiklar i 2018.