Sofag

Tre tilsette frå Høgskulen i Volda skal utgjere eit panel ved årskonferansen til Latin American Studies Association (LASA), som blir arrangert i Guadalajara i Mexico 13. – 16. mai.

Å hjelpe rusavhengige, foreldrelause barn og trengande eldre i land som Tanzania og India har vore ein del av prakiskvardagen til barnevernspedagog- og sosionom-studentar dette semesteret.

NTNU i Ålesund, Høgskolen i Molde og Høgskulen i Volda tilbyr en felles mastergrad i helseledelse fra neste høst.

Med nyvinninga Alumni – IPAS vil ein skape eit nettverk for studentar som har studert planlegging og administrasjon ved Høgskulen i Volda. – Vi håper dette skal gi både fagleg påfyll og vere ein arena for karriereutvikling, seier førstelektor Magnar Hjertenæs.

I 2007 kom Caroline Chemnangoi frå Kenya til Volda og utdanna seg til sosionom. No har ho skrive bok om korleis det er å vekse opp i eit land der valdtekt og utnytting av kvinner er svært vanleg, og om overgangen til eit liv som afrikansk student i Volda.

Professor Jan Inge Sørbø beherskar to heilt ulike faggreiner og tok fredag imot FoU-prisen for det massive forskingsarbeidet han har drive. Noko av inspirasjonen har han henta frå far sin som ikkje hadde pengar nok til å ta høgare utdanning.

Cannabis er tydeleg et brennheitt tema om dagen. Då Silje Dahl og forskarkollegaar lanserte Cannabisboka måtte dei opne andre rom i Litteraturhuset i Oslo då den største salen raskt vart fylt til randen.

Over 100 søknadar har vore handsama til masterløpet Samfunnsplanlegging og leiing denne våren, og med tilsaman 55 ja-svar så langt, har ein no stengt studiet.

Pengane kjem frå ei ordning regjeringa har for å ruste opp undervisningslokale med tanke på nye undervisningsformer. – Vi ønskjer å skape eit auditorium som gjer det mogleg veksle mellom ulike måtar å undervise på, seier dekan ved Avdeling for samfunnsfag Odd Ragnar Hunnes.

Henriette Løvik har fått eit nytt tankesett og større teoretisk og praktisk ballast med seg når ho går på jobb. Det takkar ho vidareutdanninga Miljøterapi i demensomsorga for.