Forsking og utvikling

- Eg var fascinert av figuren Valen; kombinasjonen av pietismen og avantgardismen hans. Eg hadde ikkje noko forhold til musikken hans frå før, men blei begeistra, seier professor Jan Inge Sørbø frå Høgskulen i Volda til h-avis.no. Professor Sørbø lanserte romanen ”Symfoni no. 3, Opus 41” under Borealisfesten i Bergen i går kveld.

Møre og Romsdal fylke og Høgskulen i Volda har til saman løyvt to millionar kroner til Senter for kulturproduksjon og kulturformidling i Volda. – Pengane skal brukast til vidare planlegging av senteret, infrastruktur og til konkrete kulturproduksjonar, seier prosjektleiar Jan Driveklepp.

Ingen er så motiverte for høyere utdanning som jenter bosatt på bygda, viser ny forskning. Studien, som skal publiseres i Tidsskrift for samfunnsforskning i løpet av våren, viser at bygdejentene suverent slår ut både gutter og jenter i andre bomiljø. - Utdanning er en måte å få innpass i og opprettholde kontakt med et bredt ungdomsmiljø på, sier professor Kåre Heggen ved Høgskulen i Volda.

Fire av fem utkantbutikkar har auka omsetninga takka vere støtte frå Merkur-programmet, eit merkantilt kompetanseprogram for utkantbutikkar. Det kjem fram i ein rapport som Møreforsking og Høgskulen i Volda har laga på oppdrag for Kommunal- og regionaldepartementet.

I løpet av siste året har førsteamanuensis Irene Velsvik Bele fått antatt fire referee-vurderte artiklar for publisering i internasjonale tidsskrift. Bele har doktorgrad i spesialpedagogikk frå UiO, og underviser på masterstudiet i spesialpedagogikk m.a. i språkvanskar, lese-skrive- og matematikkvanskar.

Jon Hellesnes, professor i filosofi ved Universitetet i Tromsø, er frå årsskiftet tilsett som professor II ved Høgskulen i Volda, og han kjem på si første vitjing til Volda denne veka. Han vil halde ulike førelesingar, og dei fleste er opne for alle.

- Det føregår mykje spennande FoU-arbeid av høg kvalitet i voldamiljøet, og dette vil vi løfte fram og synleggjere, melder FoU-leiar Reidun Høydal. No har Høgskulen i Volda og Møreforsking Volda oppretta ein FoU-pris på kr 30.000 for enkeltperson og kr 50.000 for eit fagmiljø.

Cand. scient. Rune Johan Krumsvik disputerer 2. mars for Dr. philos. graden ved Universitetet i Bergen, med avhandlinga ”ICT in the school. ICT-initiated school development in lower secondary school”.

Torsdag 2. mars arrangerer Stipendiatane ved Høgskulen i Volda med Karen Brænne og Lars Julius Halvorsen i spissen, eit seminar dei kallar Diskursanalyse i praksis. På programmet står mellom anna Sissel Rosland frå Universitetet i Bergen og Jørn Cruickshank frå Agderforsking.

Førsteamanuensis Kari E. Bachmann og professor Peder Haug ved Høgskulen i Volda gav nyleg ut forskingsrapporten om tilpassa opplæring i skulen i eit oppdrag som Utdanningsdirektoratet gav til forskingsmiljøet i spesialpedagogikk ved Høgskulen i Volda. I rapporten presenterer og drøfter forskarane forskinga som er gjort i Noreg om tilpassa opplæring.